Ishte lajmëruar para disa ditësh, por ende nuk ishte zyrtarizuar klubi.
Sot është mbyllur gjithçka, Meut Ozil do të jetë pjesë e Fenerbahces në pjesën mbetur të këtij sezoni dhe në ato tre të ardhshmit.
Lajmin e bën të ditur vetë klubi turk, që lajmëron se ka arritur marrëveshjen me Arsenalin për transferimin falas të yllit të kombëtares gjermane.
Ozil largohet pas 7 vitesh e gjysmë nga Arsenali, ku ishte për pjesën më të madhe të kohës ylli i tifozëve dhe lë pas gola e asiste të paharrueshëm në Londër. /RTK