Kuvendi i Kosovës ka miratuar sot 14 komisione parlamentare për legjislaturën e tetë të Kuvendit të Kosovës. Pro miratimit të këtyre komisioneve kanë qenë 99 vota, asnjë kundër dhe një abstenim.
Ndërsa, përbërja e komisioneve parlamentare është votuar me 104 vota për, asnjë kundër dhe asnjë abstenim.
Konjufca: Miratohet ky vendim i Kuvendit të Kosovës që t’i kemi 14 komisione parlamentare
“Me 99 vota për, asnjë kundër dhe një abstenim miratohet ky vendim i Kuvendit të Kosovës që t’i kemi 14 komisione parlamentare…Me 104 vota për, asnjë votë kundër dhe asnjë abstenim Kuvendi e miratoi përbërjen e 14 komisioneve parlamentare për legjislaturën e tetë të Kuvendit të Republikës së Kosovës”, tha ai.
Me votimin e komisioneve dhe përbërjen e tyre seanca e sotme ka përfunduar./M.Duraku/KP