Vlora Çitaku, e cila është nënkryetarja e Partisë Demokratike të Kosovës, ka reaguar pas Korporata Energjetike e Kosovës (KEK) e anuloi konkursin e shumëpërfolur për punësimet e familjarëve të menaxhmentit të KEK-ut dhe militantëve të Lëvizjes Vetëvendosje.
Çitaku tha se anulimi i sotëm i konkursit të KEK-ut është efekti i parë që po e jep themelimi i Komisionit Hetimor Parlamentar i iniciuar nga Partia Demokratike e Kosovës me mbështetjen e deputetëve të opozitës, për hetimin e krizës së energjisë.
“Rezultatet e themelimit të Komisionit Hetimor Parlamentar tashmë po vërehen. Vetëm një ditë pas themelimit të komisionit, KEK-u anuloi konkursin përmes së cilit u punësuan shumë militantë të VV-së”, tha Çitaku.