Mesnatën mes 12 dhe 13 qershorit, ka ndodhur një vetaksident trafiku në rrugën “Wesley Clark” në Pejë.
Vetura e tipit Passat, ka humbur kontrollin dhe ka përfunduar brenda xhamisë ” Mesxhidi i madh” në Pejë.
Personat e lënduar janë dërguar për tretman mjekësor në emergjencën e Spitalit Rajonal të Pejës.
Lajmin e ka konfirmuar për Gazetën Sinjali zëdhënës i policisë për rajonin e Pejës, Fadil Gashi.
” “Sot në orët e mëngjesit, rreth orës 01:30 poolicia është njoftuar për një aksident në rrugën “Wesley Clark” në Pejë. Me të arritur në vendngjarje është kuptuar se bëhet fjalë për vetaksident. Vetura ka kaluar prej rrugës ka hyrë në xhami. Tre persona kanë pësuar lëndime dhe janë dërguar për tretman mjekësor në emergjencën e Spitalit Rajonal të Pejës. Pas tretmanit, ata janë liruar”, tha Gashi.
Pamje nga vendi i ngjarjes kanë publikuar mediat lokale.
/GazetaSinjali/