Gazetari Lirim Mehemetaj ka njoftuar se ka marrë ftesë për t’u paraqitur në Prokurori për veprën “nxitje të përçarjes dhe mosdurimit”. Ai ka akuzuar Qeverinë Kurti për përndjekje, teksa fillet e kësaj çështje duket se janë pas një debatit që pati Mehmetaj me deputetin e Vetëvendosjes, Dimal Basha.
Gazetari Mehmetaj përmes një shkrimi në Facebook, ka njoftuar se është ftuar për t’u paraqitur në Prokurori për veprën “nxitje të përçarjes dhe mosdurimit”.
Sipas tij, partia në pushtet është vet kriminale e po e akuzon atë.
Mehemtaj ka sqaruar se rastësisht e ka parë thirrjen për të. Ai ka aluduar se atij ishte duke iu përgatitur një arrestim nga pushteti.
“Pushteti kriminalo-banditesk i Albin Kurtit që e pengon prokurorinë me hap rast për Martin Berishajn e ndërhynë për fajdexhi qysh është rasti i vëllait të zëvendës-ministrit të drejtësisë, e nuk e dënon Glauk Konjufcën përkundër se e pranon fajësinë, paska vendos të më përndjek mua. Fatmirësisht, rastësisht mora vesh që është hap ky rast edhe shkova vetë me marrë në Postë thirrjen, se askush s’ma ka sjellë në shtëpi e as nuk ma kishin sjellë derisa do të kalonte afati i paraqitjes. Me siguri për të krijuar ndonjë tip drame të arrestimit.” – ka shkruar Mehemtaj.
“Qeveria e Vetëvendosjes që s’lë kë pa e akuzuar në bazat më të ndyta, e direktuar nga njerëz si Dejona Mihaili, pasi kanë provuar krejt çka është e mundur për të gjetur diçka për mua, e normalisht s’kanë gjetur gjë, po provojnë nëpërmjet rrugëve institucionale me bo përndjekje politike.” – ka shkruar ndër të tjera ai.
“Me sa kuptova arsyeje e padisë nga prokuroria, siç kanë shkruar për “nxitje të përçarjes dhe mosdurimit” është një padi e deputetit të Vetëvendosjes, fashistit Dimal Basha… Prej kur në Kosovë paditesh me ekspozu fashizmin? Unë që e alarmojë nxitjen e përçarjes përfundoj i paditur për çka kam alarmu.” – ka shkruar Mehmetaj në Facebook.
Deputeti Dimal Basha kishte akuzuar partitë opozitare për mosvotimin e marrëveshjeve ndërkombëtare, por gjatë kësaj kritike ai kishte ofenduar qytetarët nga rajoni i Drenicës.
Duke përmendur marrëveshje ndërkombëtare që parasheh përmirësimin e rrjetit të ngrohjes në Prishtinë, ai ka përmendur deputetët e PDK-së me prejardhje nga Drenica.
Ai ka thënë se ata nga Drenica kanë dalë në Prishtinë dhe nuk po e votojnë marrëveshjet, ndërsa dimrit “lypin me u nxe”.
“Është marrëveshja e KOSTT-it, për përmirësimin e rrjetit energjetik, e kemi ngohtoren e Prishtinës. Kush është ai njeri, se krejt këta të PDK-së prej Drenicës kanë dalë në Prishtinë, lypin me u nxe dimrit, amo nuk votojnë marrëveshje që e rrisin kapacitetin e ngrohtores në Prishtinë.” – kishte thënë Basha.
Ndërkaq, për këtë komentet të Bashës, Mehmetaj e kishte quajtur “fashist” deputetin Basha.
“Ky midhje prej njeriu harron që Adem Jashari është prej Drenicës dhe që shkon i përkulet, kjo është e tmerrshme, këta janë fashist.” – kishte thënë Mehmetaj.
Lidhur me ftesën e Mehmetaj nga Prokuroria kanë reaguar edhe analistë e politikanë të cilët i kanë dalur në mbrojtje dhe kanë akuzuar pushtetin për përndjekje të kritikëve./Demokracia