Ministrit të Infrastrukturës, Liburn Aliu i ka vdekur vëllai Shkëlzeni.
Ministri Aliu ka bërë të ditur nëpërmjet një postimi në “Facebook” se shkak i pandemisë varrimi do të bëhet vetëm nga rrethi i ngushtë.
“Sot, u nda nga ne vëllai im i dashur Shkelzen Aliu. Matematicien i zoti dhe inxhinier i palodhshëm. I qetë, i dashur dhe i respektuar nga të gjithë. Na e përloti syrin por na la dhe kujtime te mira. Ndonëse varrimi bëhet sot, për arsye të pandemisë njoftojmë se do të bëhet vetëm nga rrethi i ngushtë i familjes. Pusho i qetë Xeni!”, ka shkruar Aliu./KP
