Pamjet e reja satelitore nga ‘Maxar Technologies’ tregojnë që trupat e civilëve të vrarë në Buça kanë qenë të shtrirë në rrugë për javë të tëra, përfshirë kohën kur fshati ishte nën kontrollin e Rusisë, shkruan CNN, përcjell Periskopi.
Si përgjigje ndaj pamjeve të Buças të shtunën, Ministria e Brendshme e Rusisë kishte thënë se videoja ishe ‘false’ dhe ‘e montuar’. Ministria kishte thënë se videot, fotografitë dhe dyshimet për krime të luftës ishin “një tjetër provokim”.
“Gjatë kohës kur lokacioni ishte nën kontrollin e forcave të armatosura ruse, as edhe një resident lokal nuk është prekur nga aksionet e dhunshme”, deklaronte Rusia.
Por pamjet satelitore kundërshtojnë pohimet e Rusisë: Objektet e para në rrugën Yablunka në pamjet satelitore përputhen saktësisht me lokacionet ku shihen trupat në rrugë në videot e publikuara. Pamjet satelitore tregojnë që trupat në rrugët e Buças jugore ishin aty që nga 18 marsi, kur Rusia kishte nën kontroll fshatin. Rusia e kishte mbajtur Buças deri më 31 mars./Periskopi