Pas një sëmundje të rëndë, është ndarë nga jeta në moshën 47-vjeçare ish gazetari dhe ish kandidati i pavarur për president të Republikës së Kosovës, Seremb Gjergji, raporton Gazeta Sinjali.
Lajmin për vdekjen e tij e ka bërë të ditur përmes një postimi bashkëshortja e Gjergjit, Sama.
E për ikjen nga jeta ka reaguar edhe vajza e të ndjerit, e cila ka publikuar një fotografi gjatë kohës që babai i saj ndodhej i shtrirë në spital.
“T pushoft shpirti n paqe baba jem. Gjithmon ke me kon baba ma i mir i botes”, ka shkruar vajza e tij Diella Gjergjaj.
Në vitin 2016, Gjergji ishte kandidati i pavarur për president të Kosovës dhe u shfaq me një fushatë të quajtur “Serembi për Kosovën”.
I ndjeri ka lënë bashkëshorten Sama Bajraktari- Gjergji dhe dy fëmijë, një djalë dhe një vajzë./Sinjali