Tetë shtetas të huaj nga Siria kapen në veturën e kosovarit, ky i fundit arrestohet

- in Lajme

Policia e Kosovës ka arrestuar një person, pasi në veturën e tij, u gjetën disa emigrantë ilegalë.

“Është arrestuar i dyshuari kosovar pasi që njësitet policore gjatë kontrollit në veturën të cilën ishte duke e drejtuar në rrugën nacionale Prishtinë-Mitrovicë, kanë hasur në tetë persona shtetas të huaj nga Siria”, thuhet në njoftimin e Policisë.

Sirianët, siç njofton policia, ishin pa dokumente identifikuese.

Me vendim të prokurorit, i dyshuari është dërguar në mbajtje, ndërsa shtetasit e huaj i janë dorëzuar DMH-së, për procedura të mëtejme.

/GazetaSinjali/