Kryetari i Kuvendit Glauk Konjufca ka caktuar seancën e re plenare për të enjten e 28 korrikut derisa vazhdimin e seancës së kaluar e ka caktuar për një ditë pas më 29 korrik, raporton Gazeta Sinjali.
Seancat i caktoi vet Konjufca, pasi mbledhja e Kryesisë së Kuvendit dështoi të mbahet në mungesë kuorumi.
Në seancën e parë janë në rend dite disa marrëveshje ndërkombëtare, derisa është edhe shqyrtimi i dytë i Projektligjit për Financimin e Partive Politike.
Ndërkaq, në seancën e dytë të premten, që është vazhdim i pikave të mbetura nga seancat e kaluara, në rend dite janë votimi i propozim rezolutës për rritjen e çmimeve, e debate parlamentar për mos-liberalizimin e vizave për kosovarët.
