Minstrja e Drejtësisë, Albulena Haxhiu, ka thënë se pushimi i rregullt vjetor për të burgosurit është rritur në 14 ditë.
Këtë Haxhiu e bëri të ditur gjatë raportimit në Komisionin për Legjislacion, Mandate dhe Imunitete, ku tha se deri më tani të burgosurit kanë pasur të drejtë pushimi vetëm 7 ditë brenda vitit.
E tani sipas saj së bashku me pushimin në raste të jashtëzakonshme, të burgosurit kanë të drejtë të pushojnë gjatë vitit deri në 21 ditë.
“Aktualisht të burgosurit kanë vetëm 7 ditë pushim, plus shtatë ditë në rrethana të jashtëzakonshme ku përfshihen rastet vdekjes dhe të tjera si këto. Ne I kemi shtuar edhe shtatë të tjera të rregullta. Pra tani të burgosurit I kanë 14 ditë pushim, plus shtatë të tjera që përdoren në rrethana të jashtëzakonshme që I bie 21 ditë në vit gjithsej”, deklaroi ajo.
Më tutje Haxhiu tha se kjo është bërë bazuar edhe në praktikat e vendeve të rajonit, teksa shtoi se ka pasur kërkesa për më shumë ditë pushim nga të burgosurit.