Ministri i Punëve të Brendshme, Xhelal Sveçla është deklaruar për sekuestrimin e 2 ton e 200 kg kokainë Kosovë.
Sveçla nuk ka dhënë shumë detaje rreth aksioni veçse ka thënë se Republika e Kosovës me të gjitha kapacitetet e saja do të jetë e pakompromis në luftimin e të gjitha aktiviteteve kriminale që rrezikojnë sigurinë e qytetarëve dhe që sfidojnë sundimin e ligjit.
Ai ka theksuar se pas 14 shkurtit, Republika e Kosovës nuk do të jetë më streha kriminelëve.
“Sot gjatë një aksioni të koordinur me institucionet e partnerëve tanë, Policia e Kosovës ka kapur një sasi të konsiderueshme të substancës së dyshuar, kokainë. Falënderoj institucionet e partnerëve tanë aleat që ndihmuan në këtë zbulim dhe përgëzoj pjesëtarët e Policisë së Kosovës për kryerjen e shkëlqyeshme të detyrës së tyre. Republika e Kosovës me të gjitha kapacitetet e saj do të jetë e pakompromis në luftimin e të gjitha aktiviteteve kriminale që rrezikojnë sigurinë e qytetarëve dhe që sfidojnë sundimin e ligjit. Pas 14 shkurtit, Republika e Kosovës nuk do të jetë më streha e kriminelëve”, ka shkruar Sveçla në “facebook”./KP