Dhoma e Tregtisë dhe Industrisë Kosovë ka njoftuar se faqja zyrtare e tyre është sulmuar nga hakerë, me ç’rast hyrja në web faqe ka qenë e pamundur.
DHTIK thotë se në faqen e saj shfaqej një gjuhë inekzistente.
Dhoma e Tregtisë shpreh shqetësimin për shkak që është sulmuar edhe një herë gjatë vitit.
“Shqetësimi ynë bëhet çdo herë e më i thellë kur siguria nacionale po vihet në rrezik si pasojë e sulmeve kibernetike nga të cilat nuk kanë shpëtuar as institucionet shtetërore të Kosovës, ku si pasojë e tyre ishin jashtë funksionit faqet zyrtare të qeverisë dhe shërbimeve për publikun”, thuhet në komunikatë.
Dhoma e Tregtisë bën të ditur se tanimë është rikthyer dhe gjendja është e qëndrueshme.