Një mjeke është sulmuar sot nga qentë endacakë brenda oborrit të Qendrës Klinike Universitare të Kosovës.
Kjo është konfirmuar për “Front Online” nga Drejtori i Klinikës Emergjente, Naser Syla.
Megjithatë, fatmirësisht, gjendja shëndetësore e oftalmologes është e mirë.
“Po, brenda oborrit të QKUK-së është sulmuar sot një doktoreshë”, theksoi Syla për “Front Online”.
Pre e një sulmi më të ashpër nga këto kafshë ishte edhe një doktor tjetër, veçse jo brenda hapësirave të njëjta.
“Doktori është sulmuar mbrëmë në qytet. Ai ka pësuar lëndime goxha të rënda”, tha Syla për “Front Online”.