Të gjithë ne e dimë se disa ushqime janë të këqija për ne dhe zgjedhim t’i hamë gjithsesi sepse – fare thjesht – ato kanë shije shumë të mirë.
Por nëse ju thuhet saktësisht se sa mund të zvogëloni jetëgjatësinë tuaj para çdo ngrënie, a do ta bënit akoma? A do të këmbeje një hot-dog për 36 minuta të jetës tënde, për shembull? Epo sipas ekspertëve, kjo është pikërisht ajo që po bëni, pasi një studim i Universitetit të Miçiganit thotë se hot-dogat mund t’ju marrin më shumë se gjysmë ore jetë të shëndetshme.
Gjatë një studimi, ekspertët vlerësuan 5.853 ushqime për të përcaktuar minutat e jetës të fituara ose të humbura kur hahen, si dhe ndikimin e tyre në mjedis, shkruan Mirrror.
U zbulua se disa ushqime mund të marrin deri në 74 minuta nga jeta e shëndetshme, dhe të tjera mund të shtojnë 80 minuta.
Nuk është për t’u habitur, mishi i përpunuar dhe pijet me sheqer u zbuluan se nuk na bënin asnjë favor, thjesht na heqin disa minuta nga jeta jonë, por zgjedhje të tilla si arrat, frutat dhe peshqit mund të shtojnë minuta më shumë.
Gjetjet nga studimi thonë: “Analiza jonë gjithashtu tregoi se zëvendësimi i vetëm 10 për qind të marrjes ditore të kalorive nga viçi dhe mishi i përpunuar me fruta, perime, arra, bishtajore dhe ushqime deti të zgjedhura mund të ofrojnë përmirësime të konsiderueshme shëndetësore prej 48 minutash të fituara për person në ditë dhe një ulje prej 33 për qind të gjurmëve të karbonit në dietë”.
Nëse dëshironi që dieta juaj t’ju ndihmojë të jetoni sa më gjatë që të jetë e mundur, studiuesit sugjeruan që të zvogëloni marrjen e ushqimeve të tilla si mishi i përpunuar shumë, viçi, karkalecat, derri, qengji dhe perime të rritura në serë.