Zëdhënësi për media i KQZ-së, Valmir Elezi ka njoftuar se KQZ sot gjatë ditës pritet që të mbajë mbledhjen e radhës.
Një ndër pikat që pritet të diskutohet në këtë mbledhje, është edhe shqyrtimi i udhëzuesit për tërheqjen e shortit për rënditjen e subjekteve politike në fletvotime.
“Shqyrtimi dhe miratimi i udhëzuesit për tërheqjen e shortit për renditjen e subjekteve politike në fletëvotimin e zgjedhjeve të parakohshme për Kuvendin e Kosovës, 14 shkurt 2021.”, thuhet në njoftim.
Ky është rendi i ditës:
Hyrje – Znj. Valdete Daka, kryesuese e mbledhjes së KQZ-së;
Aktivitetet e Sekretariatit të KQZ-së;
Aktivitetet e ZRPPC-së:
– Shqyrtimi dhe miratimi i udhëzuesit për tërheqjen e shortit për renditjen e subjekteve politike në fletëvotimin e zgjedhjeve të parakohshme për Kuvendin e Kosovës, 14 shkurt 2021.
– Shqyrtimi dhe miratimi i rekomandimit për akreditim të vëzhguesve.
Raport i Këshillave të KQZ-së:
Këshilli për Operacione Zgjedhore:
– Shqyrtimi dhe miratimi i rekomandimit për bartjen e votuesve nga Qendra e Votimit 2133B që gjendet në shkollën fillore “Dëshmorët e Qyqavicës” të fshatit Dashec për në Qendrën e Votimit 2132B që gjendet në shkollën fillore “Pavarësia” të fshatit Baks, komuna Skënderaj.
– Shqyrtimi dhe miratimi i plotësimit dhe zëvendësimeve për anëtar të Komisioneve Komunale të Zgjedhjeve në komunat: Shtime, Zubin Potok, Mamushë dhe Graçanicë.
Këshilli për Buxhet dhe Financa:
– Shqyrtimi dhe miratimi i raportit vjetor financiar të KQZ-së për vitin 2020.
– Shqyrtimi dhe miratimi i raportit të auditimit të brendshëm për vitin 2020.
Të ndryshme;./RTK