Vendimi i Qeverisë për zgjatjen e masave emergjente të energjisë, nuk kaloi në Kuvend si shkak i mungesës së kuorumit, raporton Gazeta Sinjali.
Nga 78 deputetët që ishin në seancë pro votuan 58 deputetë, asnjë kundër dhe asnjë abstenim.
“Nuk ka kuorum, sepse pro kanë votuar vetëm 58 deputetë”, tha kryetari i Kuvendit Konjufca.
LDK, PDK e AAK kritikuan Qeverinë duke kundërshtuar miratimin e këtij vendimi.
Ministrja e Ekonomisë Artane Rizvanolli, tha se do të vijnë edhe dhjetë herë për të miratuar masat emergjente të energjisë.
Rizvanolli, theksoi se nuk është e vërtetë se çmimet në Kosovë janë më të larta sesa në Maqedoni e Shqipëri.
Ajo kërkoi nga deputetët ta miratojnë vendimin për zgjatjen e masave emergjente.