Hoteli ‘Jeta’ në qytetin e Gjakovës është përfshirë nga zjarri në orët e para të mëngjesit të sotëm, raporton Gazeta Sinjali.
Rastin për Sinjalin e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj, i cili tha se nuk ka persona të lënduar.
Elezaj njoftoi se flakët kanë kapluar një dhomë të hotelit, mirëpo pas intervenimit të zjarrfikësve zjarri është lokalizuar dhe është shuar.
“Rreth orës 04:45 një dhomë e Hotelit “Jeta” në rrugën “Dëshmorët e Heteqit” ishte përfshirë nga zjarri. Zjarrfikësit kanë reaguar në rast dhe kanë arritur të lokalizojnë zjarrin. Po ashtu njësitet relevante të policisë ju janë përgjigjur rastit dhe është iniciuar rast hetimi “Zjarrvenje”. Përveç dëmeve materiale, pasoja në njerëz nuk ka pasur”, tha zëdhënësi i Policisë në Gjakovë.