Një bombol gazi ka shpërthyer në vendpunishten e parkingut nëntokësor në Prishtinë, në oborrin e Universitetit të Prishtinës.
Rastin e ka konfirmuar Policia e Kosovës, e cila ka dalë menjëherë në vendgjare dhe fatmirësisht nga ky shpërthim nuk ka të lënduar.
“Policia e Kosovës ka pranuar një informacion lidhur me dyshimin e shpërthimit të një bombole gazi që ka ndodhur në rrugën ‘Xhorxh Bush’ në Prishtinë. Njësitë policore kanë dalë në vendin e ngjarjes. Nuk raportohet për të lënduar”, thuhet në njoftimin e Policisë.