Ministrja e Drejtësisë Albulena Haxhiu, nuk është lejuar të flasë nga kryetari i grupit parlamentar të PDK’së, Abelard Tahirit, shkruan Gazeta Metro.
Haxhiu, ka mbetur në foltoren e Kuvendit derisa nga zhurma e krijuar nga opozita nuk është lejuar të flasë.
Krejt kjo filloi pasi shefja e grupit parlamentar të VV’së, Mimoza Kusari-Lila përmendi raportin e Freedom House, për të cilin tha se i beson më shumë sesa ‘’Planet TV’’ që publikoi skandalin e Berishajt.
“Freedom House i përmend me emra Haradinajn dhe Thaçin për lidhje me krimin dhe korrupsionit. Ky shtet definitivisht e ka në instanca të veta krimin dhe korrupsionin. Nuk e dëgjova që qeveria jonë ka me fillu në bazë të kësaj. A t’i besojmë Freedom House apo Planet TV”, tha Kusari.
Për këtë ka ndërhyrë kryetari i Kuvendit Glauk Konjufca, i cili kërkoi nga Haxhiu që ta linte opozitën të flasë por ajo këmbënguli se e ka fjalën dhe është ministre, i takon të flasë.
Pas kësaj Konjufca i bëri apel që mos ‘’të rezistoj’’ më shumë dhe të ulet.
Ndërsa nga ana tjetër Tahiri u pa duke goditur tavolinën me shishe, duke e bërë të pamundur të dëgjohet edhe kryetari Konjufca./gazetametro.net