Edhe pse, ishte përfshirë në një skandal të madh në Slloveni ku sipas mediave të atjeshme rreth 600 mijë euro para cash janë bartur prej Malit të Zi për në Slloveni, Martin Berishaj, nuk është duke u shqetësuar fare dhe po e vazhdon detyrën e tij si ambasador në Kroaci.
Berishaj nuk po merakoset fare për skandalin, por i buzëqeshur shihet teksa vjel rrush dhe pi verë me presidentin kroat, Zoran Millanoviq.
“Presidenti i Republikës, Zoran Millanoviq, si mikpritës, mori pjesë në “Vjeljen Diplomatike” në Pleshivicë, vjelje e rrushit e organizuar për shefat e misioneve diplomatike dhe organizatave ndërkombëtare të akredituar në Republikën e Kroacisë. Organizator i vjeljes është qyteti Jastrebarsko, kurse “Vjelja diplomatike” e shtatë në Jaskë u zhvillua në vreshtin e familjes Tomac në Pleshivicë”, ka njoftuar ambasada e Kosovës në Zagreb.
Agjencia kundër Korrupsionit e ka konfirmuar se rastin e Martin Berishajt e kanë dërguar për hetim penal në Prokurorinë e Shtetit.