Një veturë është përfshirë nga flakët dje rreth orës 11:50 në fshatin Shkabaj në Obiliq te pompa e derivateve ‘HIB Petrol’, raporton Gazeta Sinjali.
Sinjali mëson se kjo ka ndodhur pasi shoferi i veturës është furnizuar me gas dhe nga pakujdesia ka ndezur një cigare brenda veturës, gjë e cila ka bërë që automjeti të marrë flakë.
Si pasojë e kësaj janë lënduar katër persona, të cilët janë dërguar në Qendrën Klinike Universitare të Kosovës për trajtim mjekësor.
Me vendim të prokurorit, rasti është iniciuar ‘Shkaktim i rrezikut të përgjithshëm’.