Shefi i Grupit të Miqësisë me Amerikën i Vetëvendosjes, Dimal Basha, ia ka huqur për pesë ditë datës së shënimit të “Ditës Përkujtimore” në SHBA.
Edhepse është shef dhe pritet që të ketë njohuri për Amerikën, Basha e ka uruar këtë ditë për pesë ditë më herët. Pasi e kuptoi se ka gabuar, Basha reagoi menjëherë duke e fshirë shkrimin.
Ai ka shkruar në Facebook se sot festohet kjo ditë, mirëpo “Dita Përkujtimore” në Amerikë shënohet më 30 maj çdo vit.
“Sot në SHBA festohet Memorial Day, që është festë kombëtare për t’i nderu të gjithë ushtarët e rënë. Edhe ne sot nderojmë popullin amerikan që sakrifikuam bijtë dhe bijat e tyre për të na dal në ndihmë në momentin kur populli shqiptar synohej të zhdukej nga fashistët e Millosheviqit. Faleminderit! Përjetë mirënjohës!”, ka shkruar Basha në postimin e fshirë tashmë.
Kujtojmë se Basha është deputet i VV-së dhe prej disa muajve është edhe shef i Grupit të Miqësisë me Amerikën./Nacionale
