Deputeti i LDK-së, Driton Selmanaj i ka listuar “armiqtë” që sipas tij i ka krijuar kryeministri i Kosovës, Albin Kurti, gjatë qeverisjes së tij.
Sipas tij, Kurti nuk mundet që të qeverisë pa shpikur “armiq” kujdestarë.
“Kosova ka nevojë për zhvillim e prosperitet në çdo fushë, e jo broqkulla, e sjellje paranojake me “armiq” të kujdestarë e shpikur”, ka shkruar ai.
Shkrimi i tij i plotë në Facebook:
Albin Kurti, për të mbijetuar në politikë gjithnjë i duhet nje “Armik” kujdestarë.
Për t’i fshehur skandalet qeveritare, “armiq”i bënë mediet;
Për ta fshehur dështimin në arsim, “armik” e bën SBASHK-un;
Për ta fshehur dështimin në shëndetësi, “armik” i bënë mjekët;
Për ta fshehur dështimin në drejtësi, “armik” i bënë prokurorët e gjyqtarët;
Pë ta fshehur dështimin në ekonomi, “armik” i bënë bizneset (“Oligarkët” siq di t’i thotë ai);
Për ta fshehur dështimin në infrastrukturë, “armik” i bënë qeveritë e kaluara;
Për ta fshehur dështimin dhe paditurin për draftimin e ligjeve kualitative, “armike” e bënë Gjykatën Kushtetuese;
Për ta fshehur dështimin në dialog e diplomaci, “armike” i bënë ndërmjetësitë dhe gjithë bashkësinë ndërkombëtare;
Ky njeri nuk mundet me qeverisë pa shpikur “armiq” kujdestarë.
…dhe një ditë kur qytetarët e Kosovës masivisht do të kërkojnë llogari prej tij, ky ka me u armiqësu edhe me vet qytetarët dhe votuesit e tij. E ajo ditë jam i bindur që po afrohet me shpejtësi.
Mosdija dhe dështimi nuk munden të fshehen me “armiq” të shpikur.
Kosova ka nevojë për zhvillim e prosperitet në çdo fushë, e jo broqkulla, e sjellje paranojake me “armiq” të kujdestarë e shpikur!/Demkracia