Igo Rugove, drejtuese e RrGK-së, e ftuar në “Aktual”, në RTK, foli për rolin dhe sfidat e grave në shoqëri, veçmas ndaj përdorimit të gjuhës ofenduese ndaj tyre.
Ajo theksoi se gjuha e papërshtatshme ndaj grave që kryesisht u drejtohen grave që janë në vedimmarrje, në kuptimin se ato nuk janë të denja për funksionin e tyre, si bartëse e institucioneve.
Znj. Rogova evokoi të kaluarën, vitet ‘90-ta nuk kishte dallim gjinor, kishte respektin e duhur edhe gruaja, ndërkohë që pas luftës, çuditërisht, doli ë pah roli i burrave, duke nënçmuar rolin e gruas, ndaj u desht me shty kuotën zgjedhore, sepse nuk ishin marrë parasysh rolin e gruas,
“Sot është ndryshe, është ligji për barazi gjinore, dmth, gruaja mbrohet me ligj, ku është caktuar kuota në 30 për qind në forumet vendimmarrëse”, theksoi ajo.
Tutje, ajo shtoi se ne, si forum i gruas, kemi reaguar që kësaj radhe të mos certifikohen ato parti që nuk respektojnë ligjin për barazi gjinore.
“Dikur ishin kandidime të grave vetëm sa për të plotësuar kuotën, ndërsa sot gjendja është tjetër, kemi gra që janë të afta, sepse kanë dëshirë të jenë zëri i atyre që ato përfaqësojnë”, kujtoi ajo.
Si shqetësuese znj. Rogova përmendi faktin se sot jo vetëm burrat ofendojnë gratë, por edhe gratë ofendojnë gratë, sot edhe në fushatë përdorin gjuhë seksiste dhe qytetarët nuk duhen ta votojnë.
Ajo përmendi rrugën ligjore si e vetmja rrugëzgjidhje në qartësimin e situatave që ndodhemi si shoqëri.
“Sa i përket zgjedhjeve ku si shkas po merret në shënjestër një grua, ajo theskoi se sa përket zgjedhjeve ne kemi mekanizmat institucionalë e jo të sulmohet një grua, në vend të kësaj duhet respekltuar mekanizmat duke dëshmu se ne i respektojmë ligjet edhe institucionet shtetërore”, deklaroi ajo.
Ndërkohë ajo përmendi edhe angazhimin e grave në Kuvend që do të duhej të ishin më unike në, jo vetëm adresimin e çështjeve, por edhe në zgjidhjen e tyre.
Tutje znj. Rogova apeloi që të ndëshkohen përmes votës të gjithë ata që përdorin gjuhë fyese ndaj grave./RTKLive/RTK