Kreu i Listës Serbe, Goran Rakiq, ka reaguar pas vizitës se U.D Presidentit, Vjosa Osmani dhe kreut të Lëvizjes Vetëvendosje, Albin Kurti, në veri të vendit.
Rakiq ka thënë për televizionin serb TV Prva, se Kurti e Osmani sollën dje në veri të Mitrovicës persona të armatosur deri në dhëmbë dhe te disa prej tyre mund të shiheshin edhe simbole të UÇK-së.
Sipas tij justifikimi i tyre se erdhën në atë pjesë për fushatë nuk qëndron.
“Ata në Mitrovicë të Veriut sollën njerëz të armatosur deri në dhëmbë, ku te disa prej tyre ishin të dukshme shenja të UÇK-së. Justifikimi i tyre se erdhën për shkak të fushatës nuk qëndron, sepse fushata ende nuk ka filluar”, ka thënë Rakiq.
Rakiq po ashtu ka thënë se nuk kishte konflikte fizike dhe gjithçka kaloi vetëm me fyerje verbale.
Ndryshe, Osmani e Kurti janë fyer dje gjatë vizitës në veri. Ata kanë vizituar minierën e Trepçës. /RTK