Në Dhomat e Specializuara në Hagë të enjten ka vazhduar seanca në çështjen ndaj Hysni Gucatit dhe Nasim Haradinajt.
Avokati i akredituar në Dhomat e Specializuara për Kosovën, Artan Qerkini, tha për RTK se dy ish krerët e OVL e UÇK-së, nuk kanë kryer vepra penale me publikimin e disa dokumenteve rreth.
“Unë këtë qëndrim e kam mbajtur që në fillim dhe tani shoh se prokuroria nuk ka arritur që të provojë se dokumentat e kanë pasur statusin e dokumenteve konfidenciale”, theksoi ai. Sipas tij është e çuditshme se si prokuroria ka urdhëruar arrestimin e Hysni Gucatit dhe Nasim Haradinajt.
Ndryshe Gucati dhe Haradinaj janë arrestuar më 25 shtator të vitit 2020 në Prishtinë dhe që nga ajo kohë gjenden në qendrën e paraburgimit në Hagë. Akuzat ndaj kryetarit të Organizatës së Veteranëve të Luftës e UÇK-së Hysni Gucati dhe ndaj nënkryetarit të saj Nasim Haradinaj janë konfirmuar më 14 dhjetor 2020. (Afet BELA)