Për gjendjen në shëndetësinë kosovare pak para se ta merrte detyrën si kryeministër i vendit, kishte folur edhe Albin Kurti. Kurti teksa premtonte ‘gjetjen e ilaçit’ për shëndetësi, kishte thënë që nën qeverisjen e Vetëvendosjes nuk do të shihet më as “qeni topall” në oborrin e QKUK-së.
Me këtë deklaratë të Kutit shumë kanë qeshur, e shumë të tjerë e kanë kuptuar se gjendja në QKUK do të përmirësohet duke nisur edhe nga qentë endacak që ndodhen përreth këtij institucioni shëndetësor e deri tek kushtet brenda QKUK-së.
Por asnjëra prej këtyre deri tash nuk ka ndodhur.
QKUK vazhdon të jetë në gjendje të rëndë e edhe qentë vazhdojnë që ta vërshojnë këtë institucion.
Tre mjekë u kafshuan nga qentë për një ditë
Pre e kafshimit të tyre të këtyre qenve kanë rënë edhe tre mjekë të QKUK-së gjatë ditës së mërkurë të javës që e lam pas. Një mjeke u trajtua në Klinikën Inektive të QKUK-së.
Ajo mëngjesin e së mërkurës është sulmuar nga disa qej në oborrin e QKUK-së, saktësisht prapa Klinikës së Otropedisë së këtij institucioni shëndetësor.
Mjekët e Infektiës të prëmtën i shpjeguan Nacionales për gjendjen e saj shëndetësore.
“Pacientja në fjalë është duke u trajtuar tek ne. Pacientja në disa vende është kafshuar, ka dhimbje. E kemi thirë edhe ortopedin e edhe kirurgun për me ia pa gjendjen”, ka deklaruar njëri nga mjekët e repartit për Nacionalen.
E nga Klinika Emergjente e QKUK-së kanë treguar se ditëve të fundit janë shtuar rastet kur kalimtarët janë sulmuar nga qentë në oborr të QKUK-së.
Doktor Avdush Bajgora ka treguar për rastet që po trajtohen aty së fundmi.
“Pacientja në fjalë ka pësuar lëndime të lehta në kokë e këmbë. E kemi referuar për trajtim në Klinikën Infektive të QKUK-së. Ditëve të fundit kemi pasur raste të shumta nga kafshimi nga qentë”, ka deklaruar Bajgora për Nacionalen.
Komuna e Prishtinës reagoi duke e “arrestuar” qenin
E pak orë pas sulmit që qentë i bën mjekëve të QKUK-së, reaguan nga komuna e Prishtinës. Kreu i kryeqytetit, Përparim Rama tha se qenin e kanë zënë dhe e kanë dërguar në mbajtje.
“Këto gjana që kanë ndodhë tash me aksidentet, edhe kjo kohës së fundit me mjekët në QKUK, aty vetëm se është zanë qeni dhe e kam pa se ai nuk ka qenë i trajtum, do të thotë ka ardhe prej dikah dhe tash ai është në mbajtje në bazë të proceseve ligjore dhe do të trajtohet si i tillë”, ka deklaruar Rama të premtën.
SHSKUK: Organet kompetente të merren seriozisht me këtë fenomen
Shërbimi Spitalor Klinik dhe Universitar i Kosovës ka alarmuar pë rrezikun që qentë endacak po krijojnë në këtë insturucion shëndetësor.
Sipas SHSKUK-së, dy mjekë janë sulmuar në oborrin e Qendrës Klinike Universitare të Kosovës dhe një jashtë QKUK-së.
“SHSKUK ka kërkuar dhe në vazhdimësi dhe kërkon nga organet kompetente që të trajtojnë me prioritet çështjen e qenve endacak brenda oborrit të QKUK-së. Po ashtu, konfirmojmë se tre mjekët kanë marrë trajtimin e duhur mjekësor në kuadër të QKUK-së”, thuhet në njoftimin e SHSKUK-së në Facebook të enjten.
Problemet me qentë endacakë janë shpeshtuar kohëve të fundit. Me gjithë premtimet se do të bëhet zgjidhje, deri tani nuk është gjetur një e tillë./Nacionale.com/