Nganjëherë kandidatët ndihen aq mirë në intervistën e parë, sa që presin edhe një thirrje për intervistën e dytë. Pritja ose mungesa e ftesës është shumë sfiduese për ata, sepse janë në kërkim të një përgjigjeje se ku kanë gabuar, meqenëse atyre u duket sikur ka shkuar gjithçka mirë.
Lajmi i mirë është se jo çdo gjë varet nga kandidati. Ka një numër të konsiderueshëm arsyesh të cilat kanë të bëjnë me kompaninë.
Kanë ndodhur ndryshime
Kompanitë bëjnë ndryshime gjatë gjithë kohës. E shkurtojnë buxhetin, ndryshojnë pagat për pozita të caktuara, i kalojnë pozitat tek ekipi tjetër, ose një ekip e zhvendosin plotësisht në një vend tjetër. Nganjëherë këto ndryshime mund të ndodhin pikërisht në mes të një interviste. Në raste të tilla do të duhej që punëdhënësi t’i njoftonte për këtë kandidatët. Ata do ta kuptojnë që nuk do të mund të jenë pjesë e një pune e cila nuk ekziston më.
Ndoshta nuk ishit përshtatje me kulturën e kompanisë
Përshtatja me kulturën e kompanisë ka rëndësi po aq sa edhe grupi i aftësive. Dikush mund të jetë punonjësi më i talentuar në botë, por për sa kohë që nuk përshtatet me atë mjedis, nuk do të jetë punë produktive për të.
Kështu që, kandidatët duhet që ta kuptojnë që nuk është diçka e keqe, nëse punëdhënësi u thotë se nuk do të ishin të lumtur në atë mjedis pune. Madje ata u kanë bërë një favor të madh duke u lënë hapësirë të punojnë në një vend, ku do të ishin rehat dhe të suksesshëm.
Punëdhënësi mund të ketë dikë tjetër në mendje
Kjo është një arsye tjetër për të cilën nuk i keni “punët në dorë”. Kjo është arsyeja më e çuditshme megjithatë ndodhë. Punëdhënësi e sjellë dikë që ta mbajë intervistën, por preferon një kandidat tjetër. Në të tilla raste, kandidati mund të jetë aplikanti më i kualifikuar, por nuk do ta marr këtë punë.
Arsyet kur punëdhënësit nuk bëjnë ftesa për intervista të dyta, për shkak të kandidatit
Gabon në intervistën e parë: Kandidati e ngatërron emrin e ndonjërit prej rekruterëve. Ai nuk din shumë për kompaninë dhe ajo vërehet qartë. Nuk mund ta shpjegojë se për çfarë arsye e dëshiron atë punë. Është vonë apo edhe më keq, është i pasjellshëm.
Nuk i tregon gjërat e duhura: Përpara se kandidati të shkojë atje, duhet të përgatitet të tregojë shkurt dhe qartë se cilat janë disa nga aftësitë e tij/saj që përputhen me kërkesat e kompanisë. Ata duhet të jenë të gatshëm që të ndajnë ato arritje të cilat ndërlidhen me atë që po kërkojnë rekruterët.
Është e rëndësishme që kandidatët të përqendrohen në gjërat e duhura. Për shembull, udhëheqja mund të jetë një aftësi e shkëlqyeshme, por nuk do të funksionojë nëse kandidatët nuk kanë aplikuar për pozita menaxheriale, ose kur punëdhënësit frikësohen që do ta lënë punën për ato pozita.
Nuk i kanë përcjellur udhëzimet: Në të gjitha pikat gjatë procesit të intervistimit duhet të ndiqen udhëzimet. Kyçe është dërgesa e materialeve të kërkuara, duke i përdorur formatet specifike për secilën prej tyre.
Rrjetet sociale janë shumë shhfaqëse: Bazuar në gjetjet e “CareerBuilder”, 57 për qind e punëdhënësve thonë që nuk kanë punësuar dikë, duke u bazuar në disa përmbajtje që ata i kanë gjetur online. Por kjo nuk do të thotë që ta fshini gjithë llogarinë, sepse 47 për qind e punëdhënësve kanë thënë gjithashtu se nuk do ta pranonin një punonjës të cilin nuk e gjejnë online.
Një nga referencat nuk është në anën e kandidatit: Kandidatët duhet të dinë se çfarë thonë referencat për ata. Kjo do të thotë që duhet t’i zgjedhin personat të cilët e njohin punën e tyre dhe që thonë gjëra të mira.
Në fund të intervistës së parë mund t’u thotë rekruterëve që do të ndihej shumë mirë, nëse do të merr ndonjë përshtypje prej tyre, sesi shkoi procesi i intervistimit. Pastaj t’i falënderojë ata për kohën dhe të largohet nga kompania. /Akademi Pune/KP