Kryeministri i Kosovës Albin Kurti, ka pasur një moment aspak të këndshëm derisa po vizitonte varrezat në Krushë me rastin e përvjetorit të masakrasës së tmerrshme nga forcat serbe, shkruan Gazeta Metro.
Atë e ndaloi në rrugë një grua, që tha se është motra e një dëshmori dhe kushërira e Ukshin Hotit.
Nga kryeministri Kurti kërkoi sqarime, për shkarkimin nga puna të saj.
“Më vjen mirë që keni ardhur sot. Por, si është e mundur që unë para një jave jam pushuar nga puna si diplomate e Kosovës, duke dalë nga ky gjak, sakrifica e këtyre dëshmorëve më ka dërguar të shkollohem në Austri dhe unë sot me padrejtësinë më të madhe, para një jave shkarkohem nga puna si diplomate”, dëgjohet duke i thënë ajo Kurtit në videon që po qarkullon në rrjetet sociale.
Tutje ajo tha se padrejtësitë po vazhdojnë, ndërsa Kurti vazhdimisht tentonte të ikte nga situata.
“Do të interesohem për çka bëhet fjalë. Do ta shikojë për çka bëhet fjalë”, i përgjigjet Kurti.
Ai tha se do kërkoj sqarim nga vartësja e tij, ministrja e jashtme Donika Gërvalla./gazetametro.net