Ministrja e Drejtësisë, Albulena Haxhiu ka njoftuar se është ftuar nga Prokuroria Speciale.
Ftesa ka të bëj me rastin e vdekjes së Astrit Deharit, shkruan Demokracia.com
Ministres Haxhiu iu bë ftesa në lidhje me postimin që ajo e bërri në përvjetorin e vdekjes së Deharit.
POSTIMI I PLOTË:
Prokurori Special, Afrim Shefkiu, paska kërkuar nga unë që të përgjigjem se kush janë vrasësit e Astrit Deharit! E gjithë kjo bazuar në një status timin në rrjetet sociale, në përvjetorin e Astrit Deharit.
Është një gjë e thjesht që duhet ta dijë një prokuror. Ministri i Drejtësisë nuk mund të jetë prokuror e as gjyqtar. Unë nuk mund t’i marrë përgjegjësitë e tij. Lëndën e Astrit Deharit, prokurori Afrim Shefiku e ka që nga viti 2019 dhe ende nuk ka asnjë rezultat në zbardhjen e këtij rasti. Ai është përgjegjës për t’i treguar familjes dhe qytetarëve se kush janë vrasësit!
Unë natyrisht do të jap dëshminë time lidhur me këtë.
Prokurori Shefiku dhe eprori i tij, që nuk mund të na heshtin, në kërkesën tonë për drejtësi.
Bashkëngjitur gjeni Autorizimin./Demokracia