Pompa e derivateve ‘Tempo’ në fshatin Mramor të komunës së Prishtinës, orët e para të mëngjesit të sotëm është përfshirë nga flakët. Rastin e ka konfirmuar edhe Policia e Kosovës, të cilët kanë bërë të ditur se nuk ka persona të lënduar, raporton Gazeta Sinjali.
Burimet e Gazetës Sinjali bëjnë të ditur se nga zjarri që përfshiu objektin e pompës, është djegur edhe marketi dhe një pjesë e mbushësit me derivate.
Dyshohet se flakët u shkaktuan si pasojë e energjisë, por kjo do mbetet të vërtetohet me anë të ekspertizave të ekspertëve.
Në vendin e ngjarjes kanë dalë të gjitha njësitë relevante, përfshirë edhe ekspertët nga KEDS dhe eksperti i pavarur i elektroteknikës.
Me vendim të prokurorit, rasti është iniciuar ‘Shkaktim i rrezikut të përgjithshëm’.