Policia e Kosovës në hetimin penal që po zhvillon rreth dyshimeve për një rast të “Lëndimit të lehtë trupor” të ndodhur në një lokal më rrugën “Bajram Kelmendi” në Prishtinë, ka kërkuar nga qytetarët ndihmë për çfarëdo informacioni që kanë, me qëllim të përcaktimit të identitetit të të dyshuarave të implikuar në rast.
Në njoftimin e policisë thuhet se “së këndejmi për t’i mundësuar publikut njohjen më të lehtë dhe përcaktimin e identitetit të të dyshuarve në fjalë, Policia e Kosovës, mbështetur në urdhëresën e nxjerrë nga Prokuroria Themelore – Departamenti i Përgjithshëm, në përputhje me, nenin – 76, paragrafin 2, të KPPRK-së, paraqet para jush edhe fotografinë e të dyshuarve të shpallur në kërkim”.
“Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja të kontribuojnë në identifikimin – lokalizimin e të dyshuarve dhe rrjedhimisht edhe arrestimin e tyre”, përfundon policia.
