Arrestime në Telekomin e Kosovës, Policia: Arrestohen 4 persona për keqpërdorim të detyrës zyrtare
Katër persona janë arrestuar në Telekomin e Kosovës.
Zëdhënësi i Policisë së Kosovës, Baki Kelani ka treguar për KosovaPress se gjatë një operacioni policor të martën u arrestuar katër persona me dyshimin për keqpërdorim të pozitës zyrtare.
“Sot me 30 mars 2021, Policia e Kosovës, me urdhëresë të Gjykatës kompetente ka realizuar një operacion policor, i cili ka rezultuar me arrestimin e katër personave të dyshuar, mbi dyshimin për keqpërdorim të pozitës zyrtare. Operacioni policor është realizuar në rajonin e Prishtinës, ku pas kompletimit të rastit do të jepen informacione shtesë”, tregoi Kelani për KosovaPress.
Ndërsa, nga zyra për komunikim e Telekomit të Kosovës kanë thënë për KosovaPress se janë arrestuar dy-ish punonjës.
“Janë dy ish punonjës te Telekomit të Kosovës, që ka kohe që nuk janë pjesë e jona”, thuhet në përgjigjen e Telekomit dhënë për KP