Policia jep detaje për aksidentin në Podujevë, ku autobusi u përplas me dy vetura

- in Lajme

Gazeta Sinjali raportoi sot për një aksident të ndodhur rreth orës 17:45 në fshatin Peran të komunës së Podujevës.

Rastin për Sinjalin e ka konfirmuar zëdhënësi i Policisë së Kosovës për rajonin e Prishtinës, Agron Borovci i cili tha se katër persona kanë marrë lëndime trupore, ndërsa në aksident janë përfshirë dy vetura dhe një autobus.

Personave të lënduar iu është ofruar trajtimi i menjëhershëm mjekësor.

Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.
Sinjali