Petar Petkoviq, drejtori i të ashtuquajturës “Zyra për Kosovë dhe Metohi”, sot dhe nesër do të qëndrojë në Kosovë.
Petkoviq gjatë qëndrimit në Kosovë, viziton komunën e Shtërpcës dhe Zubin Potokut, ku do të takohet me kryesinë lokale.
“Gjatë vizitës së sotme në komunën e Shtërpcës, Petkoviq do të takohet me kryesinë e kësaj komune, sportistët e rinj dhe anëtarët më të rinj të Shoqatës Kulturore Artistike të këtij rajoni në Pallatin e Sporteve në fshatin Berevc”, thuhet në komunikatën e zyrës së tij, shkruan Tanjug.
Pas një programi të shkurtër sportiv dhe kulturo-artistik, Petkoviq do të shoqërohet me fëmijët, prindërit e tyre dhe përfaqësues të shoqatave sportive, e më pas do t’u drejtohet qytetarëve të mbledhur.