Gjuajtjet me armë zjarri janë bërë të shpeshta në vendin tonë, duke cenuar kështu sigurinë e qytetarëve të cilët ka rast kur mund t’u rrezikohet jeta si pasojë e plumbave qorr, raporton Gazeta Sinjali.
Mbrëmë rreth orës 21:00 në fshatin Begaj të Vushtrrisë, banorët janë shqetësuar nga disa të shtëna që u dëgjuan e nuk dihet se prej nga erdhën.
Sinjali mëson se Policia ka dalë në vendin e ngjarjes, ku ka gjetur dhe sekuestruar tri gëzhoja që dyshohet se janë të armës që u përdor në rast. Mirëpo momentalisht nuk ka ende persona të dyshuar.
Me urdhër të prokurorit, rasti është iniciuar ‘Përdorim i armës apo mjetit të rrezikshëm’.