Deputeti i LDK-së, Avdullah Hoti ka reaguar pasi zv/kryeministri Besnik Bislimi njoftoi se Kosova i ka dërguar sot një shkresë emisarit të BE-së për dialogun Kosovë – Serbi, Miroslav Lajçak, për atë se çfarë mund të bëhet pa kontestuar ligjshmërinë e vendimit për targat.
Hoti, përmes një postimi në Facebook ka pyetur se si mund të ketë modalitete për zbatimin e ligjit. Sipas tij, Kosova ose duhet ta zbatojë ligjin, ose kërkesën e SHBA-së.
“TARGAT: Tani deklarojnë nga qeveria se kanë dërguar në Bruksel 20 modalitete se si mund te veprohet.
Po si mund të ketë 20 modalitete për zbatimin e ligjit?!
Ose e zbaton ligjin, ose e ndegjon kërkesën e ShBA-së dhe e shtynë zbatimin e punon për marrëveshjen finale sipas këshillave të miqve. Rrugë të mesme nuk ka. Përrallat me qortime nuk janë zbatim i ligjit.”, ka shkruar Hoti./Sinjali