Një incident ka ndodhur mbrëmë në një familje në kryeqytet, ku në rrugën “Hamdi Gashi”, ku dy vëllezër janë përleshur me njëri tjetrin, raporton Gazeta Sinjali.
I.B. 74-vjeçar dhe vëllai i tij I.B. 69-vjeçar kanë përfunduar në Polici pas një zënke që patën në shtëpinë e 74-vjeçarit.
Krejt kjo ndodhi pas një debati mes të dyshuarit 69-vjeçar dhe djalit të 74-vjeçarit, pasi ky i fundit i ishte ankuar xhaxhait të tij se ishte sjellë keq me bashkëshorten e tij.
Burime të Gazetës Sinjali brenda Prokurorisë, bëjnë me dije se nipi i ka thënë axhës së tij “S’ke nevojë me u sjellë ashtu me bashkëshorten time”. Në ato momente, 69-vjeçari ia ka kthyer “unë s’jam si baba yt, unë të vras dhe të pres kokën qitu”.
I menjëhershëm ishte reagimi i 74-vjeçarit i cili i doli në mbrojte të birit, duke e kapur për krahu vëllain e tij e duke ia kthyer kërcënimin “dil more idiot se të vrasë”.
Sinjali merr vesh se të dy vëllezërit janë intervistuar në cilësinë e të dyshuarve, derisa 69-vjeçari gjatë intervistimit ka mohuar se e ka kërcënuar nipin e tij me vrasje.
Me urdhër të Prokurorit është iniciuar rasti dhunë në familje.