Anëtari i Kryesisë së Nismës Socialdemokrate, Enver Hoti në emisionin “Debat” të RTK-së ka thënë se kjo parti është shumë e gatshme që të hyjë në zgjedhjet e 14 shkurtit.
Sipas tij, edhe pse nuk arritën koalicion parazgjedhor me PDK-në, ata janë të mobilizuar që të arrijnë qëllimin dhe ta kalojnë pragun zgjedhor prej 5 për qind.
Duke folur për mundësinë e koalicioneve pazgjedhore dhe hyrjes në qeveri, Hoti ka thënë se ata do bashkëpunojmë me ato subjekte që kanë koncepte të njëjta me Nismën, siç janë mbrojtja e vlerave të luftës së UÇK-së.
“Nuk po paragjykojmë, por ata që nuk janë të gatshëm për ta mbrojtur padrëjtësinë që po i bëhet Kosovës, lirisë sonë, ne nuk bashkëpunojmë. Të gjithë ata që do të kenë fuqi parlamentare duhet të bashkëkohet me këto vlera”, ka thënë ai.
Hoti tutje ka thënë se Nisma jo me çdo kusht do të insistojë që të jetë pjesë e qeverisë.
Përfaqësuesi tjetër i Nismës, Bekim Brestovci, po në emisionin “Debat” tha se kjo parti synon t’i merr mbi 55 mijë vota në zgjedhjet e 14 shkurtit.
Ai përmendi Malishevën, Prizren, Suharekën dhe Dukagjinin si rajone që mund të merr vota më shumë. /RTKLive/