Të enjten parashikohet të ketë mot pjesërisht të vranët me më shumë diell gjatë ditës. Prej së premtes dhe përgjatë fundjavës kthjellime dhe më ngrohtë.
Ditën e parë të vjeshtës, të enjten vranësirat do të fillojnë të shpërndahen, e ku do të zëvendësohen me kthjellime nga dita e premte dhe përgjatë fundjavës. Të premten në mëngjes parashihet mot më i ftohtë, e gjatë ditës më ngrohtë, duke vazhduar edhe në fundjavë.
Sipas Prishtina Weather edhe ditën e hënë vazhdon të mbajë mot kryesisht me diell, e orëve të mbrëmjes me shtim të vranësirave.
Indeksi i cilësisë së ajrit do të jetë kryesisht në vlera të pranueshme
23.09 – Pjesërisht vranët në mëngjes, e gjatë ditës vranësirat shpërndahen ku do të ketë intervale më të gjata me diell.
24.09 – Pas mëngjesit të ftohtë, ditën kryesisht me diell e më ngrohtë.
25.09 – Më ngrohtë e kryesisht me diell.
26.09 – Ngrohtë, kryesisht me diell.
27.09 – Kryesisht me diell. Në mbrëmje me shtim të vranësirave.
Temperaturat minimale zbresin deri në 4C ditën e premte, e në fundjavë rriten edhe mbi 10C. Ndërkaq, ato maksimalet nga nesër rriten në 23C të premten e fundjavë edhe 28C.
Nesër vazhdon të fryjë erë mesatare nga verilindja 6-12m/s, e nga e premtja e lehtë nga jugperëndimi 1-6m/s.
Shtypja atmosferike mbetet e lartë mbi vlera normale, e në fillim të javës së ardhshme me tendencë të rënies.