Çmimi i naftës ka shënuar rritje edhe në Kosovë. Sot në vendin tonë çmimi i naftës ka arritur deri në 1 euro e 50 cent, ndërsa çmimi i benzinës është 1 euro e 52 cent.
Kështu thotë, Kryetari i Shoqatës së Naftëtarëve të Kosovës, Fadil Berjani.
Ai thotë se, derivatet janë duke u rritur në një mënyrë ekstreme, por kjo është duke ndodhur në tërë botën
“Në këtë trend të rritjes së derivateve vlerësojmë se janë duke u rritur në një mënyrë ekstreme derivatet, me këto çmime për jetën e qytetarëve ekonomike ne e kuptojmë që janë të shtrenjta por ky është trend ndërkombëtarë botërorë”, thotë ai.
Sipas tij, është krizë e madhe dhe do të ketë krizë të madhe të naftës edhe në Kosovë.
“Qeveria këtu nuk mund të bëjë asgjë sepse qytetarët janë duke u shërbyer me çmimet më të lira në regjion. Nafta, 1.40 deri në 150 nafta, benzina 1.42, 1.52 cent në Kosovë, ndërsa në serbi dhe Shqipëri 1.70 një litër, është krizë e madhe dhe do të ketë krizë të madhe të naftës edhe në Kosovë sepse mungojnë”, thotë ai.