Para nisjes së gjykimit ndaj dy të dyshuarve për vrasjen makabre të Marigona Osmanit, Dardan Krivaqës dhe Arbër Sejdiut, jashtë Gjykatës Themelore në Ferizaj është protestuar përmes vendosjes së mbishkrimeve, raporton Gazeta Sinjali.
Jashtë objektit të kësaj gjykate janë vendosur shkrime me paragrafë nga aktakuza kundër dy të dyshuarve.
Kolektivi për Mendim dhe Veprim Feminist të cilët e kanë zhvilluar këtë aksion thonë se kanë ardhur tek gjykata për t’i bërë presion që kjo gjykatë të trajtojë rastin e Marigonës drejtë, e jo siç kishte bërë me rastet e tjera të vrasjeve të grave.
“Sot ne kemi ardhë këtu për me protestu dhe me dhanë një sinjal të protestës dhe presionit për gjykatën për me trajtu rastin e Marigonës drejtë. Pasi që gratë e tjera të vrara janë trajtu padrejtësisht, e nuk dojmë më ndodhë njejtë më Marigonën”, tha Liridona Sijarina.
Seanca është caktuar të mbahet në ora 10:00.
