Mbrëmë në orët e vona ka ndodhur një përleshje me armë zjarri në Ferizaj. Nga kjo përleshje ka humbur jetën një person, si dhe një tjetër është plagosur.
Nacionale ka kuptuar se personi i cili u vra nga gjuajtja me armë zjarri është Gazmend Hyseni, 30-vjeçar. Motivet e këtij rasti ende nuk janë zbardhur.
Gazeta Nacionale nga burimet e veta ka mësuar se i përfshirë në këtë vrasje është vëllau i këngëtarit Buta, Qëndrim Januzi me nofkën Rifa.
Një burim anonim, i ka thënë gazetës se viktima dhe dorasi deri kohëve të fundit kanë qenë shokë.
Viktima me inicialet G.H kohëve të fundit sipas burimeve të Nacionales, kishte pasur miqësi me reperin Fero gjithashtu.
Policia e Kosovës ka bërë të ditur se dorasin e ka plagosur në vendin e ngjarjes, pasi i njëjti ishte drejtuar me armë kah zyrtarët policorë.
……………………..
Mbrëmë në orët e vona ka ndodhur një përleshje me armë zjarri në Ferizaj.
Nga kjo përleshje ka humbur jetën një person, si dhe një tjetër është plagosur.
Nacionale ju sjellë videon nga skena e krimit që ndodhi mbrëmë në Ferizaj.
Ju bëjmë me dije se pamjet janë të rënda:
Ndërkohë nga Policia e Kosovës kanë dhënë detaje për këtë ngjarje të rëndë.
“Me daten 28.05.2022 rreth orës 00:53 Policia Rajonale e Ferizajt ka pranuar një informacion se, në rrugën “Rexhep Bislimi” tek marketi ” Euro Market” në Ferizaj kishte të shtëna me armê zjarri. Patrullat e policisë menjëherë ju kanë përgjigjur kësaj thirrje dhe kanë dalë në vendin e ngjarjes, më pas edhe hetuesit dhe krim teknikët e Sektorit Rajonal të Hetimeve nga Drejtoria Rajonale e Policisë në Ferizaj”, kanë njoftuar nga Policia.
Nga hetimet e para, dyshohet se personi me inicialet Q.J ( M/K) i moshës 30 vjeçar, ka shtënë me armë zjarri në personin tjetër me inicialet G. H (M/K) i moshës 30 vjeçar, i cili si pasojë e plagëve nga arma e zjarrit ka ndërruar jetë në vendin e ngjarjes, kjo e konfirmuar nga mjekët e spitalit të Ferizajt.
Si provë materiale nga vendi i ngjarjes është konfiskuar dy armë zjarri ( pistoleta) dhe shtatë ( 7) gëzhoja.
Gjithashtu , me vendim të Prokurorit, trupi i pa jetë i viktimës është dërguar në Instituton e Mjekësisë Ligjore në Prishtinë për obduksion, ndërsa ndaj të dyshuarit Q.J është lëshuar vendimi për ndalim për 48 orë.
Sektori Rajonal i Hetimeve nga Drejtoria Rajonale e Policisë në Ferizaj , nën autorizim të Prokurorit i ka marr të gjitha veprimet e nevojshme Në vendin e ngjarjes, ka mbledhur prova materiale dhe deklarative se si ka ndodhur rasti./Nacionale