Presidentja e Republikës së Kosovës, Vjosa Osmani, ka pritur sot në takim homologun e saj shqiptar, Bajram Begaj, i cili ka nisur vizitën e tij të parë zyrtare në vendin tonë, raporton Gazeta Sinjali.
Në konferencën e përbashkët për media, Osmani ka thënë se Shqipëria i ka dhënë Kosovës mbështetje të pa rezervë.
“Keni qenë zëri jonë aty ku nuk kemi qenë të përfaqësuar”, tha presidentja.
Osmani i tha Begajt se ka besim që nën udhëheqjen e tij do të intensifikohen marrëdhëniet mes dy shteteve.
Osmani tha se prioritet i Kosovës është anëtarësimi në BE dhe NATO
Presidentja Osmani ndërkaq kërkoi nga Bashkimi Evropian të jetë më i zëshëm ndaj Serbisë pasi synon destabilizim të rajonit.
“Presim sinjale të qarta nga BE në raport me Serbinë”, tha Osmani.