Presidentja e Kosovës, Vjosa Osmani është takuar të shtunën me mandatarin për krijimin e qeverisë së re në Mal të Zi, Dritan Abazoviq.
Osmani e Abazoviq po marrin pjesë në Forumin për Diplomaci, i cili po mbahet në Antali të Turqisë.
Osman në një postim në rrjetin social Twitter ka thënë se gjatë takimit me Abazoviq diskutuan për rëndësinë e forcimit të marrëdhënieve.
“Diskutuam rëndësinë e forcimit të marrëdhënieve tona tashmë të shkëlqyera fqinjësore dhe potencialin e jashtëzakonshëm për të avancuar më tej bashkëpunim në dobi të popullit tonë”, ka shkruar Osmani.
Ndryshe, Forum në Antali të Turqisë i zhvillon punimet prej 11 deri më 13 mars dhe në të marrin pjesë përfaqësues nga rreth 70 shtete.