Në ditën e Dëshmorëve të rajonit të Prishtinës, Presidentja e Kosovës Vjosa Osmani ka bërë homazhe edhe tek shtatorja e Zahir Pajazitit.
Presidentja Osmani tha se Zahir Pajazit është ndër komandantët që motivoi e inspiroi mijëra ushtarë të Ushtrisë Çlirimtare të Kosovës që t’i bashkohen luftës për liri.
Osmani: Zahir Pajaziti motivoi mijëra ushtarë të UÇK-së që t’i bashkohen luftës për liri
“Edhe në këtë ditë të dëshmorëve të gjithë rajonit të Prishtinës erdhëm këtu për ta rikujtuar njeriun i cili është shndërruar në emblemë të lirisë. Njeriun i cili po aq sa e ka pas të madhe veprën jetësore për së gjalli e ka pas të madh po ashtu motivin që e ka krijuar për të gjithë luftëtarët e lirisë edhe pas rënies së tij heroike. Zahir Pajaziti është ndër komandantët më emblematikë që ka motivuar e inspiruar me mijëra e mijëra ushtarë të UÇK-së që t’i bashkohen luftës për liri, që ta bëjnë sakrificën më sublime për atdhe dhe që të shndërrohen në bazamentin më të fuqishëm për ndërtimin e shtetit tonë të pavarur”, është shprehur Osmani./KP