Ka dështuar zgjedhja e presidentit në raundin e parë për shkak të mungesës së numrave.
Sali Zyba nga Lëvizja Vetëvendosje tha se me në emër të komisionit për organizmin e votimit për president ka konstatuar se në seancë kanë qenë 82 deputetë dhe 78 deputetë kanë marrë pjesë në votim.
Kryetari i Kuvendit të Kosovës, Glauk Konjfca tha se duhet të përsëritet votimi i parë dhe propozon përsëritjen e votimit të parë.
“Kjo të ndodhë brenda dhjetë minutave”, ka thënë Konjufca.
Nënkryetari i Lidhjes Demokratike të Kosovës, Lutfi Haziri derisa është larguar nga objekti i Kuvendit pas votimit të raundit të parë për president, ka thënë se ka kryer punët e tij.
“Urime për presidenten”, tha Haziri duke mos dhënë më shumë detaje.
Ndryshe, në garë për president janë Vjosa Osmani dhe Nasuf Bejta. Disa nga deputetët e LDK-së si Agim Veliu, Avdullah Hoti e Driton Selmanaj nuk kanë votuar, por jo edhe Albena Reshitaj nga AAK-ja, si deputetja e vetme nga kjo parti./KP