Dje u raportua se Shkumbin Spahiu është emëruar në Bordin e Ankesave në AKPM. Spahiu doli të jetë dhëndër i Mimoza Kusari-Lilës, shefe e grupit parlamentar të Vetëvendosjes.
Sot Ministria e Shëndetësisë e ka arsyetuar këtë fakt, duke thënë se U.D e ministres Gexha-Bunjaku nuk e ka ditur lidhjen familjare të Spahiut me Kusari-Lilën.
“Mund të ju informojmë që për lidhjen familjare të z. Shkumbin Spahiu me deputeten Kusari Lila kemi kuptuar vetëm pas raportimit të mediumit tuaj, dhe ju sigurojmë që emërimi i tij në bordin për ankesa në AKPPM ka qenë vetëm si rezultat i profilit të tij profesional, mbështetur në UA 05/2015 Bordi i ankesave dhe se nuk bëhet fjalë për kurrfarë ndikimi politik”, thuhet në përgjigjen e MSH-së për gazetën Shneta.
Spahiu është emëruar në Bordin e Ankesave të AKPM-së me vendim të ud.ministres Gexha-Bunjaku më 31 tetor.