Lidhja e marrëdhënieve mes dy vendeve tona është historike, bile akti i njohjes së shteti të Kosovës,që është deklaruar nga Shtëpia e Bardhë, ku është zhvilluar biseda telefonike mes kryeministrit në detyrë, Avdullah Hotit dhe kryeministrit izraelit, Netanjahu, sot po jetësohet përmes marrëdhënieve diplomatike mes dy vendeve.
Kështu deklaroi Ruzhdi Shkodra, kryetar i shoqatës “Bashkësia Bet Israel-Kosova”, në “Aktual”, në RTK.
Ai e vlerësoi si një mrekulli vendosjen e marrëdhënieve diplomatike mes Kosovës e Izraelit.
“Në çështjet ndërkombëtare vendosja e marrëdhënieve diplomatike ka rëndësi të madhe, një mrekulli dhe me këtë rast falënderojmë SHBA-në dhe ish-presidentin Trump, i cili bëri shumë që të arrihet kjo njohje”, deklaroi Shkodra.
Ttuje ai foli edhe për marrëdhëniet med dy popujve përgjatë historisë, ku sipas tij, sinagoga më e vjetër në Ballkan është në Sarandë, që dëshmon për lashtësinë e marrëdhënieve të dy popoujve të vjetër izraelito-shqiptare.
Kryetari i “Bashkësisë Bet Israel-Kosova”, Ruzhdi Shkodra, tërhoqi paralelen e fatit historik mes të dy popujve, që sipas tij është tejet e ngjashme.
Ai, mes tjerash, theksoi rëndësinë e njohejs së Kosovës nga Izraeli, veçmas në aspektin strategjik.
“Njohja e Izraelit është e rëndësishme edhe në aspektin strategjik, sepse po ndërlidhen dy vendet që njëherazi lidhin Mesdheun me Adriatikun”, shtoi ai.
Më tej ai foli edhe ndihmën që dikur shqiptarët kishn bërë ndaj izraelëve gjatë LDB-së.
“Ndihma e shqiptarëve ndaj hebrenjve në Luftën e Dytë Botërore kujtohet me mirënjohje tek hebrenjët dhe ndihemi krenar si shqiptar kur gjendemi në Izrael, dhe ansajelltas, si izraelitë në Kosovë”, theksoi Shkodra.
Mes tjerash Shkodra foli për aktivitetin e shoqatës kosovaro-izraelite, kryetari I të cilës është ai.
“Si shoqatë kemi bërë punë, por ende mund të bëjmë edhe më shumë, sidomos në fushën e arsimit dhe ekonomisë”, përfundoi ai./RTKLive/RTK